የኢትዮጵያ ወጣቶች ያስተሰርያሉ!

እንቁ መጽሄት

Professor Alemayehu G. Mariam teaches political science at California State University, San Bernardino.

ፕ/ር አለማየሁ ገ/ማርያም

ለብዙ ዓመታት በኢትዮጵያና በአፍሪካ ጉዳዮች ላይ አስተያየት ሳቀርብ ጽሑፎቼን የማቀርበው በእንግሊዝኛ ቋንቋ ነበር። እርግጥ ነው ብዙዎቹ የእንግሊዘኛ ጽሑፎቼ ወደአማርኛ ቋንቋ ተተርጉመዋል። በእንግሊዘኛም የምጽፈው በዓለም ላይ ያሉ አንባቢዎቼን በሰፊው ለመድረስ በሚል ምክንያት ነው። ምናልባት አንዳንድ አንባቢዎች፣ ‹‹የአማርኛ ጽሑፍ ችሎታ ስለሚያንሰው ይሆናል በእግሊዝኛ የሚጽፈው›› ብለው ሊገምቱ ይችላሉ። ነገር ግን በመጠኑም ቢሆን በአማርኛ የመጻፍ ችሎታ አለኝ። አንድን ክህሎት ለረዥም ጊዜ ካልተጠቀሙበት ሊኖር የሚችለው ‹‹ዝገት›› እንዳለ ሆኖ ማለት ነው፤ ምናልባትም አለፍ ሲል ስሕተት። የሆኖ ሆኖ ‹‹ከሰው ስሕተት…›› እንደሚባለው፣ ይህን ለመጀመሪያ ጊዜ በአማርኛ ቋንቋ የጻፍኩትን መጣጥፍ በተመለከተ፣ አንባቢዎች የቋንቋ አጠቃቀሜን ‹‹ቀለል›› አድርገው እንዲገነዘቡልኝ በቅድሚያ እጠይቃለሁ።

ነገር በምሳሌ…

አበው ሲተርቱ፣ ‹‹ነገር በምሳሌ ጠጅ በብርሌ›› ይላሉ። …የዛሬ ሰባት ወር ገዳማ (የአውሮፓውያን አዲስ ዓመት መግቢያ ወር አካባቢ)፣ በአዲስ አበባ ዩኒቨርሲቲ ተማሪዎች መሀከል ስለተፈጠረ ግጭት አንድ መጣጥፍ ጸፌ ነበር። ጉዳዩን አስመልክተው የኢትዮጵያ መንግሥት ባለሥልጣናት እንዳተቱት፣ በተማሪዎቹ መሀከል የተነሳው አምባጓሮ መነሻ ምክንያት፣ ማንነታቸው ያልታወቁ ግለሰቦች (የዩኒቨርሲቲው ተማሪች አልያም ቅጥረኛ ነገር ጫሪዎች…)፣ በተለይ የአንድን ዜጋ ሰብዓዊ ክብር የሚያንቋሽሹና የሚዘልፉ ጸያፍ ቃላትን በመታጠቢያ ቤቶች፣ በቤተ-መጽሐፍትና በመኝታ ክፍሎች ውስጥ መለቅለቃቸው ነበር ሲሉ ተናግረዋል። በሌላ በኩል ደግሞ፤ በወቅቱ እንደተናፈሰው ወሬ፣ የተማሪዎቹ ጸብ የተጫረው ‹‹በኦሮሞና በትግራይ ብሔር ተወላጅ ተማሪዎች መሀከል›› እንደሆነና በጸቡም ሃያ የሚሆን ተማሪዎች ጉዳት እንደደረሰባቸውና ብዛታቸው ከተጎዱት የማይተናነሱ ተማሪዎች ባለተጠቀሰ ወንጀል ለእስር እንደተዳረጉ የሚገልጽ ነበር። ይህን ጉዳይ በሰማሁበት ወቅት፣ መንፈሴን ያወከና የበጠበጠ ስሜት ነበር የተሰማኝ። ‹‹እንዴት ሆኖ የኢትዮጵያ ብርቅዬ ልጆች፣ የኢትዮጵያ ብርሃኖች እንደዚህ ባለ አስከፊ፣ አሳፋሪና አሳዛኝ ሁኔታ ውስጥ ሊገቡ ይችላሉ?›› በማለት ከሕሊናዬ ጋር ሙግት ገጠምኩ።…

ሙሉውን ለማንበብ እዚህ ይጫኑ (ገጽ 3)

Posted by Hellen Tesfaye

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s